BELTEI E-Learning Cambodia

កម្មវិធី BELTEI E-Learning Cambodia គឺជាវេទិកាសិក្សាបែបឌីជីថលមួយ ដែលត្រូវបានបង្កើត និងអភិវឌ្ឍដោយសាលា ប៊ែលធី អន្តរជាតិ ដើម្បីផ្តល់នូវឱកាសដ៏ទូលំទូលាយសម្រាប់សិស្សានុសិស្ស និងសាធារណជនទូទៅ អាចពង្រឹងនូវចំណេះដឹង បង្កើនប្រសិទ្ធភាពនៃការសិក្សាតាមរយៈការសិក្សាតាម ប្រព័ន្ធអេឡិចត្រូនិក ជាមួយនឹងគ្រូបង្រៀនដែលមានជំនាញច្បាស់លាស់ និងមានបទពិសោធន៍។

ក្នុងការប្រើប្រាស់កម្មវិធីនេះអ្នកត្រូវយល់ព្រមនិងគោរពតាមលក្ខខណ្ឌប្រើប្រាស់ដែលបានកំណត់ខាងក្រោម។

គណនី

• អ្នកអាចចុះឈ្មោះប្រើប្រាស់កម្មវិធី BELTEI E-Learning Cambodia តាមរយៈ Google, អ៊ីមែល, ឬលេខទូរស័ព្ទ។
• អ្នកត្រូវផ្តល់ព័ត៌មានត្រឹមត្រូវ និងពេញលេញនៅពេលចុះឈ្មោះ។
• អ្នកត្រូវធ្វើបច្ចុប្បន្នភាពព័ត៌មានបើមានការផ្លាស់ប្តូរ ដើម្បីធានាការទំនាក់ទំនង និងសុវត្ថិភាពគណនី។

ការចូលប្រើប្រាស់

• អ្នកត្រូវទទួលខុសត្រូវចំពោះពាក្យសម្ងាត់របស់ខ្លួន និងសកម្មភាពទាំងអស់ក្នុងគណនី។
• គណនីមួយអាចចូលប្រើប្រាស់លើឧបករណ៍តែមួយ។
• BELTEI E-Learning Cambodia មានសិទ្ធិផ្អាក ឬលុបគណនី ប្រសិនបើមានសកម្មភាពខុសច្បាប់ ឬមិនគោរពលក្ខខណ្ឌប្រើប្រាស់។
• BELTEI E-Learning Cambodia អាចស៊ើបអង្កេតសកម្មភាពគួរឱ្យសង្ស័យ និងស្នើសុំការផ្ទៀងផ្ទាត់អត្តសញ្ញាណ ប្រសិនបើចាំបាច់។
• អ្នកប្រើប្រាស់គួរតែជូនដំណឹងភ្លាមៗ ប្រសិនបើគណនីរបស់អ្នកត្រូវបានចូលប្រើដោយគ្មានការអនុញ្ញាត។
• រាល់ការចំណាយសម្រាប់សេវាអ៊ីនធឺណិត និងការទស្សនាវីដេអូអាចមានភាពយឺត ឬរអាក់រអួល គឺជាការចំណាយផ្ទាល់ខ្លួន និងអាស្រ័យល្បឿនអ៊ីនធឺណិតរបស់អ្នក។

ការទិញវគ្គសិក្សា

• អ្នកអាចទិញវគ្គសិក្សាតាមថ្នាក់ និងតាមកម្មវិធីសិក្សានីមួយៗ។
• អ្នកអាចជ្រើសរើសរយៈពេលសិក្សា៖ ១ ខែ, ៣ ខែ, ៦ ខែ, ឬ ១ ឆ្នាំ។
• ប្រាក់ដែលបានទូទាត់រួច មិនអាចដកវិញបានទេ។
• អ្នកប្រើប្រាស់គួរតែជូនដំណឹងភ្លាមៗ ប្រសិនបើមានបញ្ហាអំឡុងពេលបង់ប្រាក់។
• អ្នកប្រើប្រាស់ត្រូវមានទំនួលខុសត្រូវក្នុងការផ្តល់ព័ត៌មានទូទាត់ឲ្យបានត្រឹមត្រូវ និងពេញលេញ។
• ប្រសិនបើមានការទូទាត់ក្លែងបន្លំ ឬសកម្មភាពខុសច្បាប់ BELTEI E-Learning Cambodia មានសិទ្ធិផ្អាក ឬលុបការចូលប្រើប្រាស់។
• BELTEI E-Learning Cambodia មិនរក្សាទុក ឬប្រមូលទិន្នន័យកាតឥណពន្ធ/ឥណទានរបស់អ្នកប្រើប្រាស់ឡើយ។

កម្មសិទ្ធិបញ្ញា

• វីដេអូ, មេរៀន, និងឯកសារទាំងអស់ក្នុង BELTEI E-Learning Cambodia ជាកម្មសិទ្ធិរបស់សាលា ប៊ែលធី អន្តរជាតិ។
• មិនអនុញ្ញាតឱ្យថតចម្លង, ចែកចាយ, ឬប្រើប្រាស់ក្នុងគោលបំណងអាជីវកម្ម ដោយគ្មានការអនុញ្ញាតពី BELTEI E-Learning Cambodia និងសាលា ប៊ែលធី អន្តរជាតិឡើយ។
• ករណីរំលោភបំពានកម្មសិទ្ធិបញ្ញា អ្នកប្រើប្រាស់នឹងទទួលខុសត្រូវចំពោះមុខច្បាប់ជាធរមាន។

ទំនួលខុសត្រូវរបស់អ្នកប្រើប្រាស់

● អ្នកប្រើប្រាស់ត្រូវគោរពលក្ខខណ្ឌប្រើប្រាស់របស់ BELTEI E-Learning Cambodia។

● BELTEI E-Learning Cambodia មានសិទ្ធិផ្អាក ឬបញ្ឈប់ការចូលប្រើប្រាស់ គណនីណាមួយ ប្រសិនបើមានការរំលោភបំពានធ្ងន់ធ្ងរដល់លក្ខខណ្ឌប្រើប្រាស់។

● អ្នកប្រើប្រាស់យល់ព្រម៖

• មិនបញ្ចូលព័ត៌មានមិនពិតក្នុងគោលបំណងបោកប្រាស់អ្នកដទៃ។
• មិនធ្វើសកម្មភាពណាមួយដែលប៉ះពាល់ដល់កិត្តិយសជាតិ ឬបុគ្គលសាធារណៈ។
• មិនប្រើប្រាស់ទិន្នន័យ ឯកសារ មេរៀន រូបភាព ឬវីដេអូ ដើម្បីបង្រៀនបន្ត ឬប្រើប្រាស់ក្នុងទ្រឹស្តីអាជីវកម្ម ដោយគ្មានការអនុញ្ញាតពី BELTEI E-Learning Cambodia និងសាលា ប៊ែលធី អន្តរជាតិ។
• មិនវាយប្រហារ (Hack), ទាញយកទិន្នន័យ, ឬចម្លងកូដកម្មវិធី ដែលអាចធ្វើឱ្យកម្មវិធីដំណើរការមិនប្រក្រតី ឬមិនអាចដំណើរការបាន។

● អ្នកប្រើប្រាស់ដែលធ្វើសកម្មភាពខាងលើ នឹងទទួលខុសត្រូវចំពោះមុខច្បាប់។

ឯកជនភាព

• BELTEI E-Learning Cambodia គោរពឯកជនភាពរបស់អ្នកប្រើប្រាស់។
• ព័ត៌មានរបស់អ្នកប្រើប្រាស់នឹងត្រូវប្រមូល និងប្រើប្រាស់សម្រាប់ផ្តល់ព័ត៌មាន និងសេវាកម្មដែលមានប្រយោជន៍។
• បើគ្មានការអនុញ្ញាតពីអ្នកប្រើប្រាស់ យើងមិននឹងបង្ហាញ ឬផ្ញើទៅភាគីទីបីទេ។

ការផ្លាស់ប្តូរលក្ខខណ្ឌការប្រើប្រាស់

• BELTEI E-Learning Cambodia អាចធ្វើបច្ចុប្បន្នភាពលក្ខខណ្ឌប្រើប្រាស់ និងចំណុចផ្សេងៗក្នុងកម្មវិធី E-Learning ជាបន្តបន្ទាប់។
• ការផ្លាស់ប្តូរនឹងត្រូវជម្រាបជូនតាម BELTEI E-Learning Cambodia Notification នៅលើទូរស័ព្ទ ឬថេប្លេត។
• ការផ្លាស់ប្តូរមានសុពលភាពភ្លាមៗ បន្ទាប់ពីបានកំណត់។
• បើអ្នកបន្តប្រើប្រាស់កម្មវិធី អ្នកបានយល់ព្រមទទួលស្គាល់លក្ខខណ្ឌថ្មី។

ទំនាក់ទំនង

សម្រាប់ចម្ងល់ ឬបញ្ហាអំពីការប្រើប្រាស់ និងលក្ខខណ្ឌប្រើប្រាស់ អ្នកអាចទាក់ទងតាម Email: belteiisapp@beltei.edu.kh។